‘तुम्हाला त्याच गोष्टी मिळतात, ज्या गोष्टी तुम्हाला मिळतील असा तुमचा विश्वास असतो,’ असा संदेश देणारे हे मनोज अंबिके यांचे हे पुस्तक मनाचे कार्य, मनःशक्तीचा योग्य वापर आदींसंदर्भात मार्गदर्शन करते.
मन कुठे असतं?, माझे मन कसं काम करतं?, दिसतं तसं नसतं, अशी जन्म घेते इच्छाशक्ती, जसा विश्वास तसेच फळ, पण परंतुची जादू, आकर्षणाचा नियम, मनाचे प्रोग्रॅमिंग, स्वयंसूचना-विचारशक्ती, मनाची शक्ती कशी वापरावी? आणि प्रतिक्रिया हेच प्रोग्रॅमिंग अशा ११ प्रकरणांमधून हा विषय स्पष्ट करण्यात आला आहे.
मनाची शक्ती जाणण्यासाठी तीन रहस्ये पुस्तकात दिली आहेत. शक्तीचा योग्य दिशेने कसा वापर करायचा, यासाठी सात सिद्धांत आहेत, तर ११ नियम आहेत. मनाच्या शक्तीचे नियम पाळलेत, तर हवे ते प्राप्त होईल, असे लेखक सांगतात.
प्रकाशक : मायमिरर पब्लिशिंग हाऊस
पाने : १५२
किंमत : १५० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)